San’atkor 1951-yilda Farg‘ona viloyatining Qo‘qon shahrida tug‘ilgan. Qo‘qon musiqa maktabini bitirganch, 1969 – 1974-yillarda Toshkent teatr va rassomchilik san’ati institutida tahsil olgan. Noyob iste’dodi va iqtidori sabab talabalik davridanoq Alisher Navoiy nomidagi opera va belet teatrida ishlay boshlagan. 1975-yilga qadar shu ijodiy jamoada ishlash jarayonida ko‘plab spektakllarda rol o‘ynagan. 

Ayni shu yili uning taqdiri Buxoro bilan bog‘landi. Aniqrog‘i, u shu sharif sharif yurtga kelin bo‘lib tushdi. Turmush o‘rtog‘i Sodiq Murodov bilan viloyat musiqali drama teatrida faoliyat ko‘rsata boshladi. 1991-yilda O‘zbekistonda xizmat ko‘rsatgan artist unvoni bilan taqdirlandi. Viloyat Kengashi deputati sifatida hududni ijtimoiy-iqtisodiy rivojlantirishga baholiqudrat hissa qo‘shdi.  

Shanba, 10:20

Biroq xastalik sabab 40 yillik qadrdon sahnasidan uzoqlashishga majbur bo‘ldi. Yangi yil bayrami arafasida Buxoro shahar hokimligi mutasaddilari, hamkasblar va shogirdlar yo‘qlovidan Muhabbat ayaning ko‘ksi tog‘day ko‘tarildi. 

Shahar hokimining o‘rinbosari Feruz Hamroyev Muhabbat Sodiqovani tabarruk yoshi bilan qutlab, shahar hokimligi va jamoatchiligining ezgu tilaklarini yetkazdi. Bir piyola choy ustida dildan suhbat qurildi. Suhbat bugungi dorilomon kunlar shukronasiga ulandi.

Top yangiliklar