tashabbusli_budjet

160

Chop etish

Juma, 10:02

Xayrli maqsad yo‘lida ishlab chiqilgan “Open budjet”, ya’ni tashabbusli budjet mazmun-mohiyatida aholining o‘zi faollik ko‘rsatib, tashvish va muammolarini yakdil hal qilishga intilayotgani quvonarli, albatta. Jamoatchilik fikri asosida shakllanadigan loyihalar fuqarolarning muammolariga yechim topib, og‘irini yengil, uzog‘ini yaqin qilayotgani bilan ahamiyatlidir.

Buxoro shahar 2-son sport maktabida qurilayotgan energiya tejamkor, yengil konstruksiyali, sendvich panelli sport zal ham yoshlarning jismoniy tarbiya bilan muntazam shug'ullanishilari uchun xizmat qiladigan loyihalardan biri. Maktab jamoasi tomonidan qo'yilgan loyiha tashabbusli budjetning o'tgan mavsumda g'olib deb topilib zarur mablag'lar ajratilgan edi.

Juma, 10:02

"Yagona buyurtmachi injinering kompaniyasi" buyurtmasi asosida "Jo'ynav city savdo baraka" MCHJ quruvchilari tomonidan qurilayotgan sport zalga 1 mlrd 269 mln so'm mablag' ajratilgan bo'lib, qurilish yakuniy bosqichga yetgan. 421 m kv maydonda qad rostlaydigan sport zal zamonaviy ko'rinishda barcha qulayliklarga ega bo'ladi. Bugun Buxoro shahar hokimining o'rinbosari Feruz Hamroyev mazkur sport maktabida bo'lib, qurilish jarayonlari bilan yaqindan tanishdi. Quruvchilar bilan muloqot qilib, jarayonlarni tez va sifatli yakunlash bo'yicha ko'rsatmalar berdi.

Juma, 10:02

160