Mamlakatimizda yashil hududlarni kengaytirish bo‘yicha amalga oshirilayotgan istiqbolli loyihalar doirasida minglab gektar maydonda ko‘chatlar ekilib, o‘simliklar va daraxtlar parvarishiga alohida e’tibor qaratilmoqda. Viloyatimizda ko‘chatchilikni rivojlantirish, mahalliy va xorijiy navlarini parvarishlash, aholi o‘rtasida ko‘chatchilik san’ati sir-asrorlarini ommalashtirish, qishloq xo‘jaligi mahsulotlari eksport salohiyatini yanada mustahkamlashga xizmat qilmoqda. Bu yo‘nalishda Buxoro shahar "Gulchorbog‘" mahallasida faoliyat yuritayotgan Buxoro ilmiy tajriba stansiyasiga qarashli "Niholchilik" fermer xo‘jaligida ham tizimli ishlar yo‘lga qo‘yilgan. 

Tohir Ibragimov rahbarligidagi xo‘jalik 2000-yildan buyon faoliyat olib bormoqda. Sohani rivojlantirish, bunda aholi bilan kooperatsiya munosabatlarini yo‘lga qo‘yish va ishlab chiqarish jarayonlariga ilmiy ishlanmalarni joriy etishda xo‘jalikda ham keng ko‘lamli ishlar olib borilmoqda. Hozirgi vaqtda xo‘jalik hisobida 163 gektar yer maydoni bo‘lib, shu yerda 2 mln tup ko‘chat parvarish qilinmoqda. O‘rtacha 3 yil vaqt davomida ko‘chatlar sotishga tayyor holga keladi. Urug' va qalamchalardan ko'paytiriladi.

Dushanba, 09:42

Hozirgi vaqtda 30 nafarga yaqin mahalla vakillarini doimiy ish bilan ta’minlaganmiz,-deydi xo‘jalik rahbari Tohir Ibragimov. —Ishchilarimizga shu yerda mehnat qilib oilalariga 3-4 mln so‘mdan daromad olib kiryaptilar. Mevali va manzarali daraxt ko‘chatlari bilan birga turli xil navdagi gul ko‘chatlarini ham yetishtirishni yo‘lga qo‘yganmiz. Hozirda 1 mln dona ko‘chatlarimiz sotish uchun tayyor holda. Ko‘chat savdosidan yiliga o‘rtacha 200 mln so‘mgacha sof foyda olib kelyapmiz.  Xo‘jalikda asosan archa, sapura, katalpa, gujum, tut, o‘rik, olma, olcha xurmo, uzum, olxo‘ri, nok va shaftoli singari ko‘chatlar parvarish qilinib, viloyatimiz bo‘ylab, qolaversa qo‘shni Navoiy, Qashqadaryo va Xorazm viloyatlariga ham yetkazib berish yo‘lga qo‘yilgan.

Top yangiliklar