Mamlakatimiz Prezidenti Shavkat Mirziyoyev raisligida 2024-yil 16-dekabr kuni banklar ishtirokida mahallalarda aholi bandligini taʼminlash va daromadli qilishga qaratilgan ustuvor vazifalar muhokamasi yuzasidan oʻtkazilgan videoselektor yigʻilishida hokimliklar bilan banklarning mahallalarda muvofiq ishlash tizimi koʻrsatib oʻtildi. Bunda shahar-tumanlar hokimlari loyihani joy va infratuzilma bilan taʼminlash majburiyatini olishi, banklar esa tadbirkorlar loyihalariga koʻmaklashishi, muammosi boʻlsa, hal etishi, ishsizlarni biznesga jalb qilishi taʼkidlandi. Shu maqsadda mahalla bankirlari faoliyatini yoʻlga qoʻyish taklifi bildirildi. 

Xoʻsh mahalla bankirining asosiy vazifalari nimalardan iborat? Buxoro shahridagi "Ishga marhamat" monomarkazida oʻtkazilgan yigʻilishda shu masala atroflicha muhokama qilindi. Unda respublika Markaziy banki boshqarma boshligʻi N.Komilov, Buxoro viloyat markaziy bank bosh boshqarmasi boshligʻi oʻrinbosari Sh. Joʻrayev, Buxoro shahar hokimining birinchi oʻrinbosari X. Yaxyoyev, sektorlar rahbarlari, tijorat banklari masʼul xodimlari, mahallalardagi hokim yordamchilari ishtirok etdilar. Yigʻilishda soʻz olganlar Buxoro shahriga biriktirilgan “Aloqabank”, “Turon bank”, “Biznesni rivojlantirish banki” hamda “Asakabank”dan tanlangan 18 nafar xodimning 2025-yilda mahallalarda olib boradigan ishlari xususida toʻxtalib oʻtishdi. Shuningdek, 65 nafar mahalla agentlarini lavozimga tanlash jarayoni, ulardan talab qilinadigan asosiy mezonlar xususida fikr-mulohaza yuritildi. Ishlarni toʻgʻri tashkil qilish orqali Buxoro shahrini kambagʻallik va ishsizlikdan xoli hududga aylantirish haqida amaliy takliflar berildi.  

Seshanba, 08:43

Qolaversa, mahalla bankirlari aholi daromadlarini oshirish, oʻzaro hamkorlikning samarali tizimini yaratishga qaratilgan Uychi, Sayxunobod, Zarbdor va Gʻijduvon tumanlarining tajribasini kengaytirish boʻyicha ishlarni davom ettirishi taʼkidlandi. Mahalla bankirlari oʻzlariga biriktirilgan mahallalarning biznes imkoniyatlarini oʻrganishi, odamlar bilan gaplashib, ularning gʻoyalarini loyihalarga aylantirishi, shuningdek, rezidentlarni kredit olish, qaytarish, biznes ochish va mahsulotini sotishga oʻrgatishi, loyihalarga hamrohlik qilish yuzasidan oʻz rejalarini bayon qilishdi.  Yigʻilish yakunida mahallalarda tadbirkorlik qilish niyatida boʻlgan fuqarolar uchun biznes koʻnikmalarini shakllantirish, banklar tomonidan taklif qilinayotgan imtiyozli kredit sarmoyalari toʻgʻrisida muntazam maʼlumot berib borish amaliyotini joriy qilishga kelishib olindi.

Seshanba, 08:43

Seshanba, 08:43

Top yangiliklar