Yangi yil bayrami munosabati bilan viloyatimiz shahar va tumanlarida arzonlashtirilgan qishloq xo‘jaligi va oziq-ovqat mahsulotlari yarmarkasi tashkil etilgan.

Mazkur yarmarkalarda kundalik zaruriy oziq-ovqat mahsulotlari va bayram sovg‘alari aholiga maqbul narxlarda yetkazib berilmoqda. Savdo rastalari har kuni yangi va sifatli qishloq xo‘jaligi mahsulotlari, salqin ichimliklar, go‘sht, guruch, umuman olganda, bayram dasturxoni uchun eng kerakli noz-ne’matlar bilan to‘ldirilmoqda. Buxoro shahridagi “To‘qimachi” hamda “Markaziy” dehqon bozorlarida arzonlashtirilgan savdo yarmarkalari faoliyati bunga misol.

Shanba, 13:37

Bugun, Buxoro shahar hokimining birinchi o‘rinbosari Xurshid Yaxyoyev har ikkala bozorda bo‘lib, arzonlashtirilgan savdo yarmarkalaridagi narx-navo, ularning sifati va yaroqlilik muddatlarini ko‘zdan kechirdi. Sotuvchi va xaridorlar bilan muloqot qilib, ularni bayram bilan qutladi.

Shanba, 13:37

Yarmarkada aholi uchun zarur bo‘lgan meva-sabzavot, mol, qo‘y va tovuq go‘shtlari, baliq, tuxum, shakar, guruch, kartoshka, piyoz, turli xildagi qandolat va oziq-ovqat mahsulotlari imtiyozli, qulay va xamyonbop narxlarda sotilishi ta’minlangan.

Shanba, 13:37

Top yangiliklar